منتديات المرقاب الأدبية - عرض مشاركة واحدة

09-09-2007, 12:08 AM

لو غرّك العمر لاتبعد من احبابـك
دام سْنِتِه ماتفرّقهـا مـن اسبوعـه
العمر يمضي سريع ويجهد ركابـك
وان طال لابد ماهي تطفي شموعـه
لاتكنز المال دام المـوت طلاّبـك
كم في القبر من بخيلٍ شبّت ضلوعه
لاترقد الليل كلّه واحسـب حسابـك
غيرك ينام ويقوم ويسهـره جوعـه
وان غرّك العيش والفايض من ثيابك
كم عاريٍ في العَرا متوسّدٍ كوعـه
لياك تظلم ترى المظلـوم باسبابـك
عند الله تجفّ من تعذيبـك دموعـه
لاتحسب ان الدعاوي يردّهـا بابـك
مادامها عند رب الخلق مسموعـه

توقيع الشاعر فالح الهاجري