[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ياهادي اليامي وياعبدربه=ياسامعين الصوت من غير ترتيب
سلام ماهب الهبوب بمهبه=لاهل السلوم الوافيه والمواجيب
وسلام ياصرح عسير مذبه=من خاطرٍ مايعرف الشك والريب
جات الوصاه وجيت اربه واربه=ياتي مجيي طيب يامنقع الطيب
شبحي على صوت المنادي تنبه=من حشمة اللي يرسلون المناديب
ماغبت يوم اغيب من دون سبه=لاوالله الا من ظروف وتسابيب
ولو نفرض ان طول البطا له مغبه=سهيل وهو سهيل لو يطلع يغيب
وحتى ولو غبنا وغابوا الاحبه=تبقى الموارد صافيات المشاريب
مانختلف على النقا والمحبه=لو نختلف في طرحنا والاساليب
وحنا ضيوف اللي كرمهم مصبه=مصب نهر النيل فعل وتراحيب
محلهم من يوم قمنا نربه=من طيبهم صرنا ضيوف ومعازيب
عوايد لاهل الوفا مستحبه=مواهب في الناس من عالم الغيب
واللي لوافين الطبوع إيتشبه=يبي يشرف عاليات المراقيب
إليا قسى وجه الزمن نص حبه=يفرق نباح الكلب عن عوية الذيب
الطبع في الانسان ماهوب جبه=يلبس ويخلع مثل خلع الجلابيب
يابو عتيق اوضاعنا مستتبه=إلا انه قد جا في الليالي تجاريب
وانتوا وحنا من نوانا نجبه=ولارمينا بالرصاص المكاذيب
اذنت يوم اذنت في راس قبه=وانا رجمت ابو لهب رجمة مصيب
اقولها من غير زود ومسبه=لاعند اجانيب ولاعند اصاحيب
وان اعترض لي في طريقي مطبه=ماللمطبه غير تعشيقة الجيب
الشعر بحر له سواحل وغبه=هذاك ويش يجيب هذا وش إيجيب
والادمي لوجاد من جود ربه=لايحسب انه قو باس ومكاسيب[/poem]
الله الله الله
الله الله الله
عوض .. صح لسانك الف الف الف .. وتستاهل هذه الفاخره ..
رد ابو عتيق الرائع ..:
[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الفاً هلا ماقدّس العبد ربه = عني وعن هادي عطيب المضاريب
و عداد ماجاء النبت في كل خبه=يامرحبا تسعين مليون ترحيب
ياشاعرٍ في الشعر كلٍ يحبه=لا اقول أجانيبٍ ولا أقول اصاحيب !
شعره علاج الراس لاضاع طبه=يوم اكثر الاشعار مافيه اطابيب
عوض ولد فهاد والهرج كبه= ماله شبيه الا حصان الاطاليب
نادى على المرقب وكبّر مشبه=وجينا على صوته وقدح المشاهيب
لوطوّل الغفوه وجاه المنبه= وايقظ سباته ماش فيما حصل عيب
ليته يلقيني ليا قلت لبه=من عقب مايقرا القصيده على الويب
وابوك يا اسمٍ منه شفت المغبه=وجتني على قافه جميع العواقيب
الظاهر اني يالنشاما بكبّه=واختار في سلمان وألاّ تراحيب !
لكن يايامي وش اللي تحبه=اطلب وأوفر لك جميع المطاليب
على كلامٍ مجربٍ ينحسب به=(خوينا مانصلبه بالمصاليب )!
لوجاء همومه في الصدر مطلحبه=يرجع وهمه مشتكٍ شقة الجيب!
صار المشبه به سوات المشبه=يالين شفت الشيب قبل يجي الشيب
لاهنت ياحرٍ مربه .. مربه=لوعذّبه طرد العشاء بالمخاليب[/poem]
وكل عام وأنتم بألف خير
|