محمد السبيعي

أقاوم قسوة الواقع وتنشب في خفوقـي حـرب!
سيوف الوقت تطعنـّي وشلفـا الهـم شذّابـه !!

أعيش بدنيتي تايه غريـب ولا لقيـت الـدرب
أداري دمعتي وأدري دمـوع الحـزن غلاّبـه!!

أخاوي جرحي الوافي وأسّس للمدامـع حــزب
وأبروز للحزن صـوره وهمّـي يفتـح ابوابـه!

بلاوي هالزمن واجد وشرقه منحنـي للغـرب
زمانٍ عشت به حايـر ودمعـي بلّـل ترابـه!!

زمانٍ صرت به ظامي وتشربني همومي شرب
زمانٍ صار به جرحي لقلبـي اصـدق احبابـه!!

زماني يازمان الجرح والفرقى ومـوت الحـب
زمان الهمّ والبلـوى وضحكـة سـن كذّابـه!!

زمانٍ ينصف الغـادر ويظلـم طيبيـن القلـب
زمانٍ جنّـن العاقـل خيانـة اقـرب اصحابـه!!

أستغفر الله الذي لا إله إلا هو الحي القيّوم وأتوب إليه ..

Ask me