كل عام وانتم بخير ..




[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
عوى ذيب الفخر بين الحنايا=مساء الاثنين وعروقي ضمايا
وجاوبته وانا ادري ويش اغني=وقدمي لا أحتمى الموقف سرايا
ابطلق كل شارد من خيالي=فخر .. ماقلت لعيون الصبايا
اسوق الكايده والمستحيله=واصف اللول من بحر الخلايا
سلام الله على ربعي عتيبه=مدام الشمري ينخى الطنايا
سلام الله ياروس الاوادم=سلامٍ بارقه مثل المرايا
رواسي نجد في شبه الجزيره=جمال الحمل وبحور الحمايا
ليا ناديت برقاوي وروقي=يفوح العود مابين الحنايا
هذا علمي واجاهر به لو انه=يوردني على حوض المنايا
مقاديم الاسامي من هوازن=إلى آخر يوم في عمر البرايا
نزل نجد مطلبنا سنامه=على ظهور الاصايل والمطايا
بوقت الرمح والسيف المجرد=فعل ماهو بترديد الحكايا
حمينا كل ضلع وكل وادي=بحد السيف ماجتنا هدايا
قبل لاينتهض صقر الجزيره=موحدنا على صدق النوايا
امام المسلمين الحاكم اللي=جمعنا عقب ماكنا شظايا
على القران واحكام الشريعه=واقام الدين في كل الزوايا
وعاهدناه عهدٍ مانخونه=وصنّا عهدنا جهر وخفايا
تحت راية هل العوجا ومعهم=نسوق ارواحنا عنهم فدايا
عرب ربي فرقنا عن سوانا=نموت ولاخضعنا للدنايا
يابومتعب ياقدوة كل حاكم=يأعز الناس من نفس ومزايا
ياعبدالله ياخادم بيوته=ياسيف الدين ياستر العرايا
روى شعب العرب غبن ومذله=من نسور التحالف والضرايا
لو انك منتب من الرسل مرسل=ولكنك نزيه من الخطايا
عيون الشرق الاوسط تتجه لك=تحرّا وانت حلال القضايا
اقول وانت امل امة محمد=ولا ارجي من ورا قولي جزايا
وحنا تحت اشاره من حجاجك=على الطامع وقدمنا ضحايا
ليا منك تعزويت اخو نوره=يصيرون اعظم العالم رعايا
نبا مجد ابو بكر وتابعينه=ومطمعنا ماهو ملك السبايا
مطامعنا ليا قلت الله اكبر=شهاده قبل لانكتب وصايا
هذا علمي ورد العلم عنّي=فخر ماهوب لعيون الصبايا[/poem]




وسلامتكم ..