يا مناشبنا وطايـح فـي نشبنـا
طرّف حبالك وراك ورح وراهـا
لا تقول أنّ المشاكل من سببنـا
وأنت خابر كحل عينك من عماها
أنشد التاريخ عن سيرة عربنـا
سيرة ٍ واللي كتبها مـا قراهـا
أستوينـا وأعتدلنـا وأنقلبـنـا
وأبتدينا نبحث البيـر وغطاهـا
ما نضب ماها وحنا مـا نضبنـا
غير يوم انّا منعنا عنـك ماهـا
والعجوز اللـي تلبسّهـا ذهبنـا
في يداها يلمـع وتبّـت يداهـا
كيف تضحك لك ولا تامن غضبنا
والله أنّا ما نبـا نلعـن ثواهـا
مير أخذها معك لا تآكل عنبنـا
العنب حامض ويثرّ في كلاهـا !
لو محياهـا تبسّـم مـا جذبنـا
يفتح الله وجهها يشبـه قفاهـا
الكفوف اللي تصفقّ فـي طلبنـا
من يقدّم نصهّا .. يآخذ ملاهـا
عقب شبيّنا مع الدنيـا وشبنـا
علّمتنا تزعل ونـدرك رضاهـا
ما بلشنا غير في تعليم الأبنـاء
لا يجيهم خبل بالجهل يتباهـا !
سداح ما غيررره
|