عوى ذيب الفخر بين الحنايـا
مساء الاثنين وعروقي ضمايا
وجاوبته وانا ادري ويش اغني
وقدمي لا أحتمى الموقف سرايا
ابطلق كل شارد مـن خيالـي
فخر .. ماقلت لعيون الصبايـا
اسـوق الكايـده والمستحيلـه
واصف اللول من بحر الخلايـا
سلام الله على ربعـي عتيبـه
مدام الشمري ينخـى الطنايـا
سـلام الله يــاروس الاوادم
سـلامٍ بارقـه مثـل المرايـا
رواسي نجد في شبه الجزيـره
جمال الحمل وبحـور الحمايـا
ليا ناديـت برقـاوي وروقـي
يفوح العـود مابيـن الحنايـا
هذا علمي واجاهر به لو انـه
يوردني على حـوض المنايـا
مقاديم الاسامي مـن هـوازن
إلى آخر يوم في عمر البرايـا
نـزل نجـد مطلبنـا سنامـه
على ظهور الاصايل والمطايـا
بوقت الرمح والسيف المجـرد
فعـل ماهـو بترديـد الحكايـا
حمينا كـل ضلـع وكـل وادي
بحد السيـف ماجتنـا هدايـا
قبل لاينتهض صقر الجزيـره
موحدنا علـى صـدق النوايـا
امام المسلميـن الحاكـم اللـي
جمعنا عقـب ماكنـا شظايـا
على القران واحكام الشريعـه
واقام الدين فـي كـل الزوايـا
وعاهدنـاه عهـدٍ مانخـونـه
وصنّا عهدنـا جهـر وخفايـا
تحت راية هل العوجا ومعهـم
نسوق ارواحنا عنهـم فدايـا
عرب ربي فرقنا عـن سوانـا
نمـوت ولاخضعنـا للدنـايـا
يابومتعب ياقـدوة كـل حاكـم
يأعز الناس من نفس ومزايـا
ياعبـدالله يـاخـادم بيـوتـه
ياسيف الدين ياستـر العرايـا
روى شعب العرب غبن ومذله
من نسور التحالف والضرايـا
لو انك منتب من الرسل مرسل
ولكنـك نزيـه مـن الخطايـا
عيون الشرق الاوسط تتجه لك
تحرّا وانـت حـلال القضايـا
اقول وانت امـل امـة محمـد
ولا ارجي من ورا قولي جزايا
وحنا تحت اشاره من حجاجـك
على الطامع وقدمنـا ضحايـا
ليا منك تعزويت اخـو نـوره
يصيرون اعظم العالـم رعايـا
نبا مجد ابـو بكـر وتابعينـه
ومطمعنا ماهو ملـك السبايـا
مطامعنا ليـا قلـت الله اكبـر
شهاده قبـل لانكتـب وصايـا
هذا علمـي ورد العلـم عنّـي
فخر ماهوب لعيـون الصبايـا
الله اكبر
صح الله لسانك يا علي سالم
صح لسانك
صح لسانك
صح لسانك
|