مبارك آل خليفه

طرّاه البيت الاخير ذا ..

هذولا شعراء هواجر توفوا الله يرحمهم قصيدهم عذب

(( على فكره البيت الاول الفراغ والشباب لابوالعتاهيه والثاني ابليس والنفس والهوى مدري من هو له ))

نرجع لموضوعنا بن نومان وابو قلبين .. غانم بن نومان يشتغل حول النعيريه مع الجيولوجيه الظاهر او شي من ذا الشركات ويجونه شيبان البدو اللي يكد بسيارته واللي مسيّر ويبي قهوه واللي يبي غدا وراح المعيّش على ذا العالم عاد غانم وابو قلبين بينهم مزوح وقصايد وسوالف

قال غانم :

الموتر اللي يجينا بالضيافيني
جعل يتعطل ورى برق النعيريه

لا غاب موتر حسن لاذا ابو قلبيني
فلا هلا لا لفا الموتر وراعيّه


قال ابو قلبين :

لا جيت انا بشتغل واوفي ديايني
سلّط على غانم ٍ ما اكثر دواديه

اجيه متصوّع ٍ والجوع حاديني
وحراااااام .. ما اذوق عنده غير غوريه


راح فيها لين قال ..

كانه امير ٍ فلا حنا بداريني
والامير ما يطرد الضيفان من جيّه





رد غانم ولا حفظت الا البيت اللي يقول :


ترى الخبل ما على راسه نياشيني
لكن حديثه يبيّن لك مواريّه

@mubarak_abdulla

Mubarak.alkhalifa@hotmail.com