في الساحل الخليجي عند (( الحضر )) يعني البدو مالهم شغل في هالموضوع ,,
يحتفل الاطفال بليلة النصف من رمضان ولم اذكر انها انكرها احد من المشايخ دينيا واعتقد والله اعلم اني سمعت ان احدهم قال بما انه احتفال اطفال فلا حرج ..
الشاهد على الموضوع مشهد رأيته الاطفال عادة ٍ يجتمعون ويروحون لبيوت (( الفريج )) يعني الحاره بالبدوي وياخذون حب وحلوى وما الى ذلك من كل بيت .. وينشدون مقطع يقولون فيه كلمة سميت بها هذه الليله ..
اهل الكويت يسمونها (( قرقيعان ))
واهل قطر واهل الامارات يسمونها (( قرنقعوه ))
واهل البحرين (( قرقاعون ))
وأهل عمان يسمونها (( قرنقعوه )) لكن بنطق القاف العربيه الفصحى بشكل طبيعي
الانشوده تقول عند اهل قطر :
قرنقعوه قرقاعوه عطونا الله يعطيكم بيت مكه يوديكم .. الى اخرها
والكويتين يقولون ..
قرقيعان قرقيعان بين قصيّر ورمضان عطونا الله يعطيكم .. الى اخرها
والبحرينين قرقاعون وهكذا ...
المشهد اللي شفته .. احد الاطفال الظاهر انه بدوي وما يعرف ذا الشغلانه الجديده هذي جاي من احد المناطق اللي مافيها ذا السوالف ..شاف البزران يطوفون البيوت ويجيهم حلوى وبسكوت وحب واحيانا فلوس !! اعجبته الفكره وراح معهم يطوف البيوت ..
هم يغنون قرنقعوه قرقاعوه نفس الانشوده اللي ذكرناها سابقا ً
انا طالع من البيت وشفتهم مارين من قدام المجلس ومعهم هالولد وماسك طرف ولاهوب عارف وش يقول هم يغنون بس ما فهمها وقام يغني هو (( قرقاعوه قرقاعوه .. قرقاعوه قرقاعوه .. قرقاعوه قرقاعوه )) بس ما يعرف الباقي ويمر على البيوت وخذا الحب والحلوى والفلوس ورجع لاهله ..
اتوقع انه في رمضان الحالي متحسف قد شعر راسه انه ما جا قطر على شان يغني قرقاعوه قرقاعوه !!
|