السلام عليكم ،


خويطره .. و التوقيع مشغول هاليومين وألاّ كان ..


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
تشرق الشمس وتفلّ النهار وتغيب=وينسج الليل ثوبه من شفق نورها

وكل ساعه عقاربها تدور وتجيب=حملة ٍ من قضا ربي على ظهورها

ما كذب من غزاه الشّيب قبل المشيب=الليالي عليه تسلّ ساطورها

يوم شاف العجايب فـ الزمان العجيب=علمّته المصايب يسبح بحورها

يا الله أحسن خواتم عبدك المستصيب=عوّدت تبرك أيامه على زورها

خاطري طاب مير الجرح عيّا يطيب=قدّمت لي جروحي كل ميسورها

عاد عيدي وأنا بين الرجاء والنصيب=أجمع أفراح عمري .. وأحفر قبورها

المدامع في عيني ما تكفّ الصبيب=كلّ دمعه تفوح وتنتظر دورها

ذمة الحبّ بارت في رقبة الحبيب=وأكثر الناس عيّا يصدق شعورها

كل ما فوق صدري غرّد العندليب=قلت كيف الحبايب ضاقت صدورها

علة ٍ في ضميري يا البعيد القريب=من يدينك سببها .. وأنت دكتورها

ليه نضرب على عرق الضوامي صليب=والغصون الرطيبه طارت طيورها

ودّي أعيش ذيب .. ودّي أموت ذيب=لا يقال الهوايش عايش بشورها ![/poem]


وسلمتوا ،،

>> هات و دوك ! <<