[poem=font="Arabic Transparent,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
مليت اشاهد لعبة القط والفار=مع الزمان اللي له الفين نيه
اطرد سراب اللال والحظ منهار=مثل انهيار البورصه العالميه
وان جيت ابشكي للمطاليق الاحرار=تجوز نفسي ماتحب الشكيه
من قال لي وش فيك قلت له (بخار)=وان في كبدي من اللواهيب كيه
ولاغيرت طبعي صواديف الاقدار=دايم على الهقوه عزومي قويه
وفي كل مطلاع وفي كل محدار=احسب حساب الصايبه والخطيه
اعامل الاشرار بأسلوب الأشرار=مبدا السياسه لااصبحت خارجيه
والا التعامل مع طويلين الاشبار=اشبه بصفقات البلاد الغنيه
لن الوفا والطيب والعز والكار=راحت مراويح القطا الموسميه
ماعاد نلقى للمواجيب مقدار=ضاعت مع اهل الحقبه الاوليه
اشوف منهو يرخص (الضيف والجار)=(حتى لوانه من رجال الحميه)
واشوف من يفشي مضامين الاسرار=وبها موصّى مايعلم خويه
واشوف من يرمي بعمره على النار=في مسلك الاوهام يجرفه غيه
واشوف من يجهل مقامات الاخيار=وفي والدينه مايحفظ الوصيه
ماكنهم بعد الوعايد والانذار=في ذمة الباري جزيل العطيه[/poem]