من اللي عطاك الحـق يالفـارع الرعبـوب
تجرّا علـى نظـرة عيونـي .. وتسرقهـا
امانه معك لا احـدٍ يزيـد الذنـوب ذنـوب
كفانـي عـذاب اللـي حياتـي .. معلقهـا
تغافلتني .. ثم جيت من كـل فـج وصـوب
الاشـواق مرهيهـا .. والابـواب مغلقهـا
وبغيت امتنع .. لكن مالـي عـن المكتـوب
رضت نفسـي بمـا صـار .. والله يوفقهـا
لو الله عطاني عزم يوسـف وصبـر ايـوب
ما راغت عيوني فيك .. والشـوق يحرقهـا
ويا وجد حالي منـك يـا قلبـي المسلـوب
بعد غلّفتك اعذب الاحاسيـس .. واصدقهـا
تدلّيت من بين الضلـوع وبديـت .. تـذوب
لكن اجمـع ضلوعـي بدربـك .. وفرقهـا
تراني أعاني صدق .. من حالـي المقلـوب
احاتـي حياتـي كـل مـا جيـت اروّقهـا
ولا ادري اعيش الجو .. والا انسحب باسلوب
اخاف ادحم العشـاق .. وازعِـل مراهقهـا
وانا عايشٍ بالفطـره .. وشاعـرٍ موهـوب
واحـب اللكاعـه .. وافتعلهـا .. واطبّقهـا
ولكـنّ فينـي حاجـةٍ تعتبـر .. عـذروب
من اللـي مـن الجمهـور .. ودّه يوثقهـا؟
عيون الحبيب .. وخدّه .. وقـدّه المصبـوب
يجابه هـوى نفسـي .. وينهـي تعملقهـا!
الله الله الله الله الله الله الله
الله الله الله الله الله الله الله
الله الله الله الله الله الله الله
الله الله الله الله الله الله الله
الله الله الله الله الله الله الله
الله الله الله الله الله الله الله
الله الله الله الله الله الله الله
ابو فيصل اقسم برب الكعبه انك عملاق شعر
صح الله لسانك ولله درك
حبك وسبك وقوه وابداع وعنصر مفاجأه رهييييييب
شف ,, ياخوي عنصر المفاجأه مذهل مذهل جدا ً تعيشنا جو بيتين ثلاثه اتوقع ان اللي بعدها يكون على نفس الرتم اما المحزن او المضحك لكن طريقة تحوّلك في تسلسل الابيات مذهله ومذهله جدا ً وفريده من نوعها مع الاولين والتالين .. لله درك
كثر الحكي وشهو له .. جعلك تبطي حي وبس
|