[align=center]تحيه طيبه للجميع

قصيده متواضعه

اتمنى ان تنال الرضى[/align]
[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
‘‘ ‘‘ ‘‘ ‘‘ ‘‘



ياللي تخيلون البروق وتنشدون مـن العسـوس=سحابـةٍ هلّـت مابلّـت كبـد الارض رشاشهـا


ولارعاها الا المطـرّف و الدوينـي والفلـوس=والعالم اللي من حطبهـا مـا فَرقـت قشاشهـا


سبحان من سخّر كبار الـروس للـي مايـروس=في حلةٍ يصعب حسـاب قصورهـا وعشاشهـا


الله على بعض الكبود الخاليات مـن الحسـوس=والله على بعض الثيـاب اللـي يهـول قماشهـا


والله على صدرٍ تزاحمه الطـواري والهجـوس=اللـي مااعـرف حسـاب مقبلهـا ولامنحاشهـا


وأطحن غثاها بالضلوع العوج وأميّـز واقـوس=شورين !! شور يقول واجهّـا وشـورٍ ماشهـا


وانا مااغِر ان الحميّـه طبـع والبِرقـه لبـوس=للعالـم اللـي كلمـا صلّـت يزيـد اجهاشهـا


واللي يقول ان الدلال تصَب والبن محمـوس!!=يعتاش من روس الضبا اللي يذكـرون عراشهـا


ماني من اللي ترخي الهامـات لكبـار النفـوس=اللـي ليـا قـدّرت طيّبهـا بلشـت بلاشـهـا


وان ضاقت الدنيا بروسٍ كلّهـا فـي سـدّ روس=ماضاقت صدور العباد اللـي تسـوق ادباشهـا


ماهوب بعيب انثمّن الوقفات في اليوم العبـوس=العيب لو نفـرش لخلـق اللّـه غيـر فراشهـا


واللي يميّز في العلوم ويستفيـد مـن الـدروس=خَلّه يعيش بلحظة ٍ تحسب علـى مـن عاشهـا


وش قصّر يدين الوقوف وطوّل يدين الجلـوس؟=كل ٍ يشوف المرجلـه واللـي قِدَرهـا حاشهـا


وان كان تبغون الذبيل اللي ورى الصدر محبوس=اللي تذوب اله الحيـود الصـمّ لامـن ناشهـا؟


ماغيّر طبوع الرجـال الزاهديـن الاّ الفلـوس=ولاهدم هيبة حصـون الـروم غيـر اوباشهـا


‘‘ ‘‘ ‘‘ ‘‘ ‘‘ ‘‘

وسـلامـتـكـم [/poem]