[poet font="Simplified Arabic,4,firebrick,normal,normal" bkcolor="transparent" bkimage="" border="double,5,purple" type=0 line=200% align=center use=ex length=0 char="" num="0,black" filter=""]
كانك تبيها بالخدع والنهابه=ابنهبك وأنا قبل منك منهوب
الجرح الأول مايدمدم صوابه=لوّ يلمسه من حلو الأنسام نبنوب
أبتقاضا منك يا أم اللبابه=آخاف بعدين أشتكي حب رعبوب
كم واحدٍ قبلي تمنّا زهابه=من قبل طالب ..وأصبح اليوم مطلوب
حب النقا مابه عتاب وغرابه=يعيّشك في جوْ واحساس وأسلوب
يامن .. نهايتها على حرف اجابه=وبالأبجدي خمس وثلاثين مقلوب؟!
حنّا بعصر الفخفخه والذرابه=عش في زمانٍٍ فيه ناكب ومنكوب
جرب زمانٍٍ صك بالوجه بابه=عقب البراد امسى برمضا ولاهوب
ماطاب زاده وأهتنا في شرابه=ماذاق له زادٍ وماذاق مشروب
حلوْ الليالي ربع ساعه طرابه=في حب محبوبه وفي حب محبوب
ومن بكره يكشّر بك الوقت نابه=ياكثر ناسٍ بدلت ثوب في ثوب
أوسع الخاطر بلحن الربابه=آسج وغنّي على كل مسحوب
ماني بذيبٍ متعبته الذيابه=وماني من اللي يعجبه كل مرغوب
يكفي ليّ أسم وليّ عزوّه ولابه=وأن صار فيها حزم جــلاّب محسوب
[/poet]