[align=center]مشرفي واعضاء ومتصفحي منتدى المرقاب السلام عليكم وكل عام وانتم بالف خير
اليكم هذه القصيده التي القيتها في حفل المراشده في مقر الملتقى
عسى ان تنال بعض من اعجابكم[/align]


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
بسم الله الي مالنا غيره ولايعبد سواه=الواحد الي عالم ماكان تخفيه البشر

الي رفع سبع وبسط سبع وتعلى في علاه=منجي سفينة نوح يوم الماطما مثل البحر

الي هدانا للعباده وتبعنا مسطفاه=من يتبع الهادي نجى ولي تبع غيره كفر

بسمه بديت القاف واخذلايقه وحسن ابناه=مثايل مثل الذهب تنضم مثل نضم الدرر

اسوقها سوق الجمل وقودها قود الفلاه=واخذ وخلي ونقش المعنى مثل نقش الحجر

عندا للزوم يطأوعلي بيت والثاني ورآه =وجيبهالازان معناها ولاقت فالنضر

يامرحبا ياعتيبه الهيلا عما عين الطغاه =ويامرحبا بلي مع العتبان فالمحفل حضر

إعداد ما يوم بدا وعداد نجم في سماه =وعدادماهب الهوا وعدادماهل المطر

من هاجس في حفل ربعي ما ينقص من عطاه =اهل الكرامه ولصخاوهل المروه ولضفر

الاد مرشد متعبة قحص ألرمك يوم الغزاه =يوم المعارك تلتهب ولنار تقدح من شرر

كم واحد جاهم يبا المكسب وسو الموت جاه =يشهدكلام الحكره الي قال قافه وشتهر

وكم فارس خلو سباع الغاب تنهش في عضاه =ومه بعدفرقاه ماتت يوم حست بالقهر

ورجع الحفل الملتقى الي كل من سمعه نصاه =الملتقى الي جوله العتبان من كل الدير

مزاين بسم القبيلة خص يعجبنا نباه =تنافس مابين بدوان القبيله مختصر

من صار الأول باركو بالفوز يوم الله عطاه =وعليه شدالحيل لصعبه بعد كم من شهر

الفوز واحد للقبيلة والتنافس له طراه =والله يحمينا من الحسادوعيون القشر

والجائزه عند الولي للي كسب غاية رضاه=الجنه الي جعلكم تردونها يوم الحشر

ولآنسا جهود اللجنة ألي جهدهم محد نساه =متواليات اجهودهم رغم المتاعب ولسهر

حتى أثمرن أجهودهم ولحفل شرف مستواه=والصعب كله راح ولي باقين لمحة بصر

ولله يعز الدين وهلة والوطن ولي حماه =ورسى اركونه لين عم الامن ولجهل اندثر

وعلى النبي أختامها صلو وزيدو فاصلاه =ولي يصلي مره عليه صلا الله عشر[/poem]