[align=center]
غيّـاب غنـوا للغيـاب وخـذونـي
أمشي وادوّر عن ملامـح ل غيّـاب
علـى رصيـف غيابهـم علقونـي
وانـا اتلفّـت فالدرايـش والابـواب
اسـأل عليهـم ليـه مـا كلمونـي
كانه جفا .. يا كثر ما فينـي عتـاب
وشلـون شـدّوا للغيـاب ونسونـي
مشدود باحلامي ومنهار الاعصـاب
وكانه زعل .. باسهر واسامر طعوني
متوحدٍ في غربتـي دون الاصحـاب
ألملـم جراحـي واداري ظنـونـي
والبّس احزاني من احزانـي ثيـاب
واقـول للـي للغيـاب تركـونـي
عمر الزعل ما برّر غياب الاحباب !!
أما ارجعوا .. والا معاكـم خذونـي
تعبت ادوّر عن ملامـح ل غيّـاب !
[/align]
|