عٌــذراً ايها الغموض
"
"
"
"
"
"
"
(( ياحلوتي ))
يسمى معاني سلوتي
لا تسئليني من انا..؟؟
انا اللي ضيعت العمر اسئل وادوّر عن (( هنا ))
ولا لقيت إلا (( العنا ))
خليني ابقى بخلوتي
ولا تسئليني من انا..؟؟
والدمع هذا اللي تشوفينه بعيني مختزل
مو دمع لكن كبرياء
في كوكب(ن) كله رياء
قفى نقائه واعتزل
حتى نسوه الأنقياء
والدمع بعده مانزل
ولاتسئليني من انا..؟؟
((ياحلوتي))
.. أتمختري .. وخليني ابقى بالغموض
ادري تحبين الغموض اللي تماكن .. دفتري ..
الشمس ماهي شمسنا
حتى القمر مْهوّ القمر
كل شي تغيـــّر يـمـسنا
وصــارت ثوانينا عمر
والوقت صاير .. مفتري ..
ولاتسئليني من انا..؟؟
وقلوبنا ..!!
((ياحلوتي))
صارت غطى لذنوبنا..!!
حتى تعودنا الضياع اللي سكن بدروبنا
ولاتسئليني من انا..؟؟
انا ((العنا))
"
"
"
"
"
"
"
|