فهد الديحاني

مــذكــره

لي انــــــــا وقـــــلــــــبــــي





ياقلبي ؟
ياقلبي ؟



( هه )

وش تبي فهد ؟


ياقلبي كم الساعه ؟

حالي تزيد اوجاعه

توقع اشفيه متأخر ؟

الدنيا نص الليل وحنا ننـتظر !

يمكن ماتسمح اوضاعه !

اصبر معاي شوي
عندي امل انه يجي

يعني تبينا ننتظر ؟

عادي ترى عندي صبر

متى يجي متى يجي

صبرنا لا حد الفجر

ماجا ولا ارسل خبر

ياقلبي يالله

لاتطوف الرحله !

جى ترى وقت السفر

قلبي ؟

قلبي ؟

قلبي ؟

قـــــلـــبـــي ؟

يوووووووه منك يافهد ياخي دقايق بنتظر


زيـــن طيب بس دير بالك تنفجر


فهد تصدق ؟

ايش اللي اصدق ؟


واحشتني حيل

حيل ؟

اي والله حيــــل

حتى انا مثلك ياقلبي بعد

مثلي !

اي والله مثلك

لا بعد

اكثر كثيـــــر

ودي من الفرحه اطير

ياقلبي تتذكر اول لقنا ؟

وشلون ابنسى يافهد

طيب تذكر كيف كانت ؟

فالبدايه قاسيه بس مدري كيف لانت

يوم ياقلبي اقول

ياحلوها وتقول لا هي الحلا

وقول طيب رح لها

وتقول صعبه ! ويش اقول ؟

وقول قول اللي تقول !

وانتا / قبل توص لها

ضعيت وش ناوي تقول

ثم طحت وهي اطالعك


ثم قلت لحضه بسألك ؟

مدت يديها لك

قالت بالاول اوقف

ثم قلت ياحظ لندن

اتصدقين احسدها !!

قالت نعم !! مستغربه

ثم قالت انتا / وش عليك ؟

ثم قلت انا منك وفيك

قالت ترى زودتها
الظاهر انك ماتبي مستقبلك


قعدت انا اضحك عليك

فهد /
هلا

طيب تذكر ذاك
اليوم يوم كذا وكذا ...... ألخ

وذاك اليوم يوم صار وصار

وذاك اليوم يوم صار وصار

وذيك السنه

يوم انتظرنها وطولت !!!

إلا على طاري الانتظار

ياقلبي ! ياقلبي
الرحله راحت
يوووووووه منك يافهد ياخي دقايق بنتظر

الدنيا في عز الظهر وهو يقول بننـتظر !!!!!





.

fahadaldehani@windowslive.com