[align=center]


نهر من الشعر الخالد ..

قصائد تخاطب ما يحلو لها من الحواس

صور

كلمات

صوت


القصيدة الأولى : يقول من عدى على راس عالي

للشاعر الكبير محمد السديري رحمه الله






[align=center]


.. هنا الاسـتماع القصيدة ..





[poem=font="Simplified Arabic,6,sienna,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]

يقـول من عـدا علـى راس عالـي=رجـم ٍ طويـلٍ يدهلـه كـل قرنـاس
في راس مرجـومٍ عسيـر المنالـي=تلعـب به الأريـاح مع كل نسنـاس
في مهمـه ٍ قفـر ٍ من النـاس خالـي=يشتاق له من حس بالقلـب هوجـاس
قعـدت فـي راسـه وحيـدٍ لحالـي=كني براس الرجم مذهب وحرّاس
متذكـر فـي مرقبـي وش جرا لـي=وصفقت بالكفيـن يـاسٍ على يـاس
أخـذت اعـد أيـامهـا والليـالـي=دنيـا تقلـب ما عرفنـا لهـا قيـاس
كـم فرقـت ما بين غالـي وغالـي=لوشفـت منها ربح ترجـع للافـلاس
يقطعـك دنيـا ما لهـا أول وتالـي=لو اضحكت للغبن تقـرع بالأجـراس
المستـريح اللـي من العقـل خالـي=ما هو بلجـات الهواجيـس غطـاس
ماهـوب مثلـي مشكلاتـه جلالـي=أزريت أسجلهـن بحبـر وقرطـاس
حملـي ثقيـل وشايلـه باحتمـالـي=واصبر على مر الليـالي والاتعـاس
وارسي كما ترسـي رواس الجبالـي=ولا يشتكـي ضلـعٍ عليه القـدم داس
يابجـاد شـب النـار وادن الدلالـي=واحمس لنا يابجاد ما يقعـد الـراس
ودقـه بنجـرٍ يـاظريـف العيالـي=يجذب لنا ربعٍ على اكـوار جـلاس
وزلـه إلـى منه رقـد كـل سالـي=وخله يفـوح وقنـن الهيـل بقيـاس
وصبـه ومـده يـا كريـم السبالـي=يبعد همومي يـوم أشمـه بالانفـاس
فنجـال يغـدي مـا تصـور ببالـي=وروابع تضرب بها اخماس واسـداس
لاخـاب ظنـي بالرفيـق الموالـي=مالي مشاريـهٍ علـى نايـد النـاس
لعـل قصـر مـا يجي لـه ظـلالـي=ينـهد مـن عـالي مبانيـه للسـاس
لاصـار ما هـو مدهـل للرجالـي=وملجا لمن هو يشكي الضيم والبـاس
تجعـل مقـره دارس العـهد بالـي=صحصـاح دوٍّ دارس مابـه اونـاس
والبـوم فـي تالـي هدامـه يـلالـي=جزاك ياقصـر الخنـا وكر الادنـاس
حسنـاك يامنشـي حقـوق الخيال=ياخالـق أجنـاس ٍ ويامفنـي أجنـاس
متـى تـربــع دارنـا والمفـالـي=وتخضر فياض عقب ما هيب يبـاس
نشـوف فيـها الديدحـان امتـوالـي=مثل الرعاف بخصر مدقوق الالعـاس
ينثر على البيـدا سـوات الزوالـي=يشرق حماره شرقة الصبـغ بالكـاس
وتكبر دفـوف معبسـات الشمالـي=ويبني عليهن الشحم مثـل الاطعـاس[/poem]



متع حواسك بالشعر الأصيل وتداعى معه كما يطيب لوجدانك وشاعريتك


نبقى على قيد الانتظار لنتعايش مع قصائد خالدة ..




[/align][/align]