مناجـاه مـع " ذاكـ المكــان "
.
.
.
ذاك المكـان .. اللي من العـام مهجــور
_________ ذكرى الأحبـه .. في زوايـاه .. فاحت
الشوق / و الغيره / والأحساس .. منـثـور
_________ أقفــت به .. ريــاح المفـارق و راحــت
قصر ٍ مشيـًـد من مفــاهيــم و شــعـــور
_________ ورقـا الحزن من فوق عاليـه ناحـــت
أصبـح خراب ..و حاوي " أكفـان " و " قبور "
_________ بيض الجنـايز في حمـاه إستراحــت
أذكر صبـاي .. وجلستي فيـه مسـرور
_________ ودمعـة وفـا من نـاعس العين طاحـت
و أذكر مسامرنـا ألى طـلعة النـــور
_________ و لمـع البروق بـ / غايم الجـو .. لاحـت
وأذكر ..!! أو أسكـت أحسن ..( القلب مقهور )
_________ وش لي بـ / شي ٍ منــّـه الــنــفــس صاحـت
يا جرح .. ليتك عن هوى النـاس مستـور
_________ وش لـك من علوم الخفــا يوم بــاحــت
[ ذاك المكـان اللي من العـام مهجـور ]
_________ اليوم رجـلي .. عن دروبـه تنـــاحــت
.
.
.
|