أرجع بحبّي لك .. من اليـوم للعـام
وراجع علاقتنا .. من العـام لليـوم
وسجّل لي أوضاعك على مرّ الأيـام
كم يوم ظالمني وكـم يـوم مظلـوم
لكن بشرط أنك ما تحكـم بالأوهـام
حكّم ضميرك وأترك الكبـر والـزوم
وإليا أكتشفت أنّك من الحبّ منضـام
أنا أكتشفت أنّي من الحـب محـروم
بذلت لك جهـدي ورزيّـت الأعـلام
ورفعت مقدارك عن أخوانـك التـوم
من اليمن سيّرت لك محمـل الشـام
وجلبت لك ما تكنز الفـرس الـروم
واليوم طارت بك ذعاذيـع الأنسـام
وطحت متواسي لين عشعش بك البوم
مارست في حقّي من أنواع الإجـرام
ورميتني لإرشيـف الأيـام مهمـوم
وأنا معك للصالح الخـاص والعـام
أشدّ حيلي وأصفـق القـوم بالقـوم
ما عاد لي لازم في تفسيـر الأحـلام
خلاص عينـي حاربـت لـذّة النـوم
ايضا لدكتور الابداع سداح
صح لسانك بلاعدد يادكتر
|