تخطيت الامل لعيونـك وحاربـت حلـم الـذات
وعشت بـدون ماتـدري متاهاتـك وحسراتـك
تاملتك حلـم واسقيتـك الشريـان والعبـرات
وسجيت ابك عن دنيا الشقا واغفلـت سجاتـك
سقيتك من حناني في زمـان القـل والمضمـاة
وزرعتك في بساتيـن الفـؤاد وزدت طعناتـك
حرمت النفس لجلـك ماتمنـى والعمـر فـوات
وقسمت الليل بين الحزن والحرمـان وابياتـك
حفظتك من صراعات الانـا والكـذب والـزلات
وشحنتك من عبارات الثنا والمـدح فـي ذاتـك
عطيتك كل لذات الشعـور وبلسـم الضحكـات
وطلبتـك لاتخلينـي ولـو خالفـت هقـواتـك
ترجيتـك وانـا كلـي رجـا لاتكثـر الصـدات
ولكنك قتلـت امـر الرجـا واظهـرت نياتـك
صبرت وقلت يمكن والظروف اقسا من القامات
ولكني عرفت ان الظروف ارحم مـن اسكاتـك
تباها بالعطى وانته انانـي فـي زمـن قتـات
وش اللي مدته يمناك مـن مخـزون حسناتـك
بديت بعالمي مثـل البخيـل بساعـة المـدات
وتخاسرت الكلام العذب ياصلني مـن اشفاتـك
عرفت ان الهوى قبلك امانـي والفـرح زافـات
وبديت ابحـث وادور وابتـدا دربـي بملهاتـك
عشقتك عشق صادق والهوى تخضع له الهامات
ولكنك قطعـت ارسـال حبـي مـن محطاتـك
الله الله الله محمد
قصيده رائعه وحضور للشعر بكل روعته يا شاعر
صح لسانك صح لسانك برغم القسوه في اخر النص
محبتي ومتابعتي ياغالي
اخوك
|