منتديات المرقاب الأدبية - عرض مشاركة واحدة

27-11-2007, 01:14 PM

يقولون ان به شايبٍ له عيالٍ وهو خالهم

(( ولد و بنت )) وكل واحدٍ منهم على اختٍ له

والولد يقولون وجه شيفه ياداف على البلاء ينفج له عربٍ من محلهم يقولون قبيح جداً جداً
والبنت غايةٍ في الجمال ومزيوووووووووونه

والولد يحب بنت خالته والبنت ماتحبه ومادانيه

وقد خطبها كم مرةٍ وعيت منه وبغى فيها منا والا منا ما خلا خيلة الا سواها غير يادافع البلاء عيا يدخل قلب البنت

راح للشايب اللي هو خاله وخال البنت وقال ياخال ابغيك تكلم فلانه اربها توافق علي واخذها

قال ياولدي دام ما تبغاك دور غيرها البنت معييه

قالالولد تكفى ياخال .. اربها تستحي منك وتوافق

المهم ان الشايب راح للبنت مستحي من ولده اللي هو خاله وهو كنه داري ان محاولته فاشله غير قال على شان يقنع الولد

راح الشايب للبنت قال يافلانه قالت سم ياخال
قال فلان يخطب ويحبتس وبيزين عندتس بيصلح لتس

ان كانتس بتاخذينه تريه رجالٍ سنافي وبيصلح لتس وان عييت منه

فالله يلعن ابو من لامتس