[poem=font="Simplified Arabic,5,purple,normal,normal" bkcolor="transparent" bkimage="" border="none,4,gray" type=2 line=1 align=right use=ex num="0,black"]
عرّضت وجهي للهوى والهبايب=وسجّيت رجلي ، والشكاوي على الله!
أحيا على جور الظروف الصعايب=الهمّ غيثي ، والتوجد مظلـّه!
حزني يسيّر وسط قلبي ركايب=تقفي وتقبل مع بزوغ الأهلـّه!
أقوى ليا زادت عليّ التعايب=لو التعب حصل بجوفي محلـّه!
وأزمّ نفسي عن طمان النشايب=وأرقى على جبال السلام المطلـّه!
وأكتب ولا امحي ( ناقص العقل خايب)=وأمحي ولا أكتب كل ذنبٍ وزلـّه!
وأغفى وأحلم إني من الحب ذايب=وأصحى وألاقي الحلم حاجة مملـّه!
يمر وقتي بين صبر وطلايب=مرٍ أكفّ الدمع ، مرٍ أهلـّه!
أبرى لربي من خطايا الصحايب=اللي على وصل الحبايب مقلـّه!
وأشره على اللي لا وصلوه الحبايب=قام يتغلّا جعل ربي يغلـّه!
وأشره على اللي مسرفٍ بي وغايب=وأشره على اللي علته فيّ علـّه!
والله ما أقسى من جروح القرايب=ياكود جرحٍ من خليلٍ لـخلـّه!![/poem]