[poem=font="Simplified Arabic,5,purple,normal,normal" bkcolor="transparent" bkimage="" border="none,4,gray" type=2 line=1 align=right use=ex num="0,black"]
صار لي أسبوعين أو أكثر شوي=أشرب العلقم بفرقى الحاليه!
غاليه وتشح بالجيّه عليّ=والمصيبه تدري إنها غاليه!
واعذابي ما بقى شي بيديّ=غير أحسد أهل القلوب الخاليه!
ضاميٍ والوصل منها كاس ميّ=ترتوي منه العروق الباليه!
ويح حالي ميتٍ لو كنت حيّ=وهيّ في غمرة جهلها ساليه!
يا كثر ما قلت للخفّاق عيّ=عن هواها دام ناره صاليه!
قال يا محمّد غلاها عاث فيّ=وإعتراني ولا ترك بي تاليه!
وإكتفيت بقول قلبي مير هيّ=ما تركتني حتى جت متواليه!
الهموم اللي لها فالقلب ضيّ=وأنهكت كل العزوم العاليه!
رغم هذا ما نقص فالقلب شيّ=غاليه ، وتبقى بقلبي غاليه![/poem]
|