،
السلام عليكم ورحمة الله وبركاته
اسمحولها يا هل المرقاب بالمرور والعذر من الله ثم منكم على القصور



[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الحمد لله والشكر ويش أنا أشوف=الله يرفع عنهم ويحمانا
ناسٍ تصب إلك الغثاء داخل الجوف=وعلى شراب السم كنها تحدانا
حاولت أمشيها وأبيها لو أطوف=لا شك ممشاها يعكر صفانا
قامت تدربي رأسها ما بها خوف=كنها تسابقنا وتبغي غثانا
بكتافها قامت تمايل على دفوف=تلاعب الحبلين حانا ومانا
خبلٍ يدلعها على كل سرجوف=تنصاع له جيرانهم وقصرانا
ما ني بلومه يسرق الكحل ويحوف=لومي على اللي سندوا له هوانا
الشعر يصدم حيد ويطيح بجروف=قام يتمزع مشلحه من ورآنا
مي أتغنج وأتدلع على نوف=خوخ وعنب ما باقي إلا بنانا
خنجر وسم وأربع طعون بكتوف=اللي نمط شعره وطرقه قذانا
كسيح بين الناس ويشل مكفوف=خلقٍ تبي تنتف بيدها لحانا
200 و400 ألا بالألوف=لا رحم جد اللي يسمم عشانا
شاشة وعرض ومسرح يجيب مصروف=يعني كذا أسمع وصفق معانا
حطوا لهم كلمة على جملة حروف=لو برق العاقل بكاء مستوانا
الشعر له هيبة وله قدر معروف=واليوم يرثينا وأشوفه بكانا
للشعر عنوان ومكاتيب وظروف=صعبه على اللي لحن الليل دانا
إن كان ما حط الجزالة وسط صوف=ولا يحل بمنطقه عن سمانا
لا عاد يزعجنا أبو لون مخطوف=حنا نعد الحق إن كان جانا
هذي نتايج شوفها صار مألوف=في كل يوم الله يجبر عزانا
لكن تبون الصدق ما ني بمكلوف=ولا وكيل الخلق والله بلانا[/poem]

.
.
فمان الله ،،،

سبحان من بيده العالم
يسير قدام وخلافي

من ذا الزمن ما حدٍ سالم
الوضع بين وينشافي


gbran16@hotmail.com