يالطاري اللي جيت ماجيتني بخير
وش ذكرك فيني وانا منك سالي
مالك على بالي هجوس وتفاكير
غايب وفي غيبتك مرتاح بالي
إلين ماهبت من الغربي عصير
واللي طرالي ليت ماهو طرالي
حبٍ تثنّت دون وصله مقادير
وتعقدّت بيني وبينه حبالي
هذاك عندي غير وامحبته غير
اوّل غرامٍ ماتقفّاه تالي
ياليت قلب الآدمي طير وإيطير
لامرّته ذكرى عزيزٍوغالي
عامين شفت من اللقاء كل تقصير
وانا آتمنى مقبلات الليالي
على رجا يمكن مع الوقت وايصير
ولابد الاقصى يجتمع بالموالي
وتزهر فياضٍ ممحله بالنواوير
بين الحنايا والضلوع الهزالي
واقول طولي واقصري يامشاوير
لاعادت سنين الفراق الخوالي
معذور لو ماساق يمي معاذير
لو مانشد عني وعن كيف حالي
يبقا الحبيب وله مكانه وتقدير
في خافقٍ بعده من الحب خالي
عساه لامنّه ذكرني على خير
يقول ماغيره من الناس غالي
محمد
صح الله لساانك
ولاهنت
اخوك
سالم اليامي
|