[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
انا يوم اشرف وازعج الصوت واغني=علي الملام ان كان غنيت طرباني
لاوالله اهوجس في وليفن لي واحني=حنين الخلوج اللي اتهبد امسياني
اتل العباير من ورى الحدب واوني=واقلب زمانن فات واقلب احزاني
على صاحبن قفى وهو ظايقن مني=وانا مت شفقن له وهو مات شفقاني
ذبحني بحبي له وبعده يكفني=وتدفني اشواقي وانا اشوف باعياني
من اول وهو عندي غرامه مجنني=وش اقول يوم اني لاجيته ولاجاني
الا يانسيم الصبح خبره وش كني=و قله تراني لا امسو الناس سهراني
و قله ترى الايام ماتبعده عني=و قله تراني يوم اخليه ندماني
اربي على ظنه واربه على ظني=واربه يسامحني الا جيت له عاني[/poem]

وسلامتكم

ديواني