السلام عليكم ،

جلس في الكابينة المجاوره لي وانا في أحد الكافيهات قبل لحظات أحد الزبائن يبدو أنه سكرتير عضو مجلس أمه

كان يمدح العضو الفلاني ويسبّ الوزير الفلاني وبعد لحظات يعود بمدح وزير آخر وذم عضو آخر وتطرق خلال محادثته الهاتفيه الطويله والمزعجه لإستجواب وزيرة التربية السيده / نوريّه الصبيح من قبل أعضاء مجلس الأمه والذي تدور رحاه هذه الايام بالإضافة لبعض القرارات الحكومية التي يبدو أنّه مطلّع عليها جيدا

لعل ما سمعت كان شرارة هذه البويتات المتواضعه :-



[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
يا حضرة الشّعر روحي معك موعوده=الله يعينك على الروح الرياضيّه

خلـّك مرن يوم هجسي ذعذعت نوده=وأصبر على الواهس اللي ما برد غيّه

شاعر وقلبي يجود بكلّ ماجوده=وجوارحي ما تموت وشمسها حيّه

حساس وأوتار صوتي معك ممدوده=بالقاف والوزن مربوعه ومثنيّه

بحثت عن وصفة ٍ ماهيب موجوده=فيها العلاج المناسب للحساسيّه

في مثلث الذّايقه والنّوع والجوده=قام الهوى يكحل عيون الهواويّه

وأصبح خطير المثلث مثل برموده=لا يفسد الذوق .. وإلا يخرب النيّه

أشاهد الوضع والأحداث مشهوده=وين السعاده وأنا عيني شقاويّه

لو كنت ماني وكيل الحبل وعقوده =وللصالح العام ماعندي صلاحيّه

لا شكّ لي نظرة ٍ بالنور مجروده=والحرّ يآخذ ويعطيها بحريّه !

يا دار منتي على التقصير محدوده=عليك قبل الخطا سلام رديّه

في باطنك .. زعزعه ماهيب مقصوده=وفي ظاهرك .. سيرة التاريخ مطويّه

الزيف يزمر عليك ويفتل عضوده=في ظلّ ضعف القرارات الحكوميّه

قانون تجنسيها ما تعرف بنوده=من جودها تعطي السواق جنسيّه !

وأعصابنا من طوال العمر مشدوده=والحزم مفلوت والشرطه حراميّه

وفي داخل المجلسين النار موقوده=واللي سعى بينهم خابت مساعيّه

يا دار والغصن مات وذاب عنقوده=تلعب عليه الهوايش طاق طاقيّه

آخر مراسيك بالمرصاد مرصوده=رواتب الشعب .. وإستجواب نوريّه

وزيرة التربيه ماهيب محسوده=صارت محطّ الخلافات السياسيّه

لو أنها من كبير الراس مسنوده=يزهم على راسها روس الفداويّه

كبش الفدا لو يقوم ويثبت وجوده=قضيـّته تحت حكم الذبح مقضيّه

أحلامنا يا ولاة الأمر معدوده=ولاهي ضروري تكون أحلام ورديّه

الشّعب من يلتف له يكسر قيوده=ويدفع مسيرة قضاياه المصيريّه

ماهوب من شان خاطر كانز نقوده=من شان خاطر محبّتنا الحقيقيّه ![/poem]


وسلمتوا ،