[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
العصر كرّم مشى مقفي ورى ذيك الرجـوم = والمسا حل ونزل نازل على عـز وعـزاز
والنجوم السااهرة قد داقشت بعض النجـوم = والثواني لا مشـت قامـت تعيـد الاجتيـاز
ليل من طوله شعاره ( واسعد عين الرخوم ) = كن لحظاته تعاني ضعف ف احْجار الجهـاز
في اخير الليل والعالم على شـاط الحلـوم = والحزن مصلوب في نصف الليالي بارتكـاز
ذعذعت في خاطري نسمة من انسام الهموم = هزت غْصون الضمايـر يارفيقـي اهتـزاز
ياغصونٍ ثابتة في داخلـي عاشـت سلـوم = كنها قولة : تفضل عنـد سكـان الحجـاز
فك فكري للهمـوم القاهـرة بـاب القـدوم = واتهشم همـي المـر بْضميـري كالقـزاز
والورق جرد الفيافـي والقلـم سودالغيـوم = والفكر همال يروي من نطق بافخـم طـراز
واختصر علم البلاغة والادب واسمى العلوم = كن راسي من دهائي مجتمع سوق المجـاز
يارفيقي يارفيقـي والكسـل عنـد اللـزوم = منقصه بيـن الرياجيـل الصناديـد العـزاز
جيت لك عاني وانا قلبي على الشكوى كتوم = وانت سقت العذر في مالا يجـوز ولا يجـاز
ياولد هاك النصيحة مـن قوييـن العـزوم = كان تبغى فالمجالس لـك مكانـه وامتيـاز
كان ماشفت الخلاايق عدتك قـرم القـروم = اطلب اصحابك تحطك بين نـار وبيـن قـاز
مادريت ان البسيطة لـو تعـذر او تشـوم = ماتضيق الا بعين اللي بـه المنقـود حـاز
قلتها واخطي مساليـك الجهالـة والرخـوم = كن عيني ماتشوف الا شهاامـة واعتـزاز
عاد نفسي واحدٍ مجمل حيااتـه بـس يـوم = لو بغى وقته يروزه عـن مناتـه مايـراز
جيت واحد مير انا من عز مابي صرت قـوم = في عيون اللي وصايفهـم ثقيليـن المـراز [/poem]
|