الى الشاعر سداح مع التحيـّه ...


[poem=font="Simplified Arabic,5,darkred,bold,normal" bkcolor="transparent" bkimage="" border="groove,6,crimson" type=2 line=1 align=center use=sp num="0,black"]
..
..

قبل البدايه في حروف الكتابه=بسم الله الرحمن في بادي القول
فيه اسأله تشكي ضياع الاجابه=متكوّنه حول الشعر مالها حلول
الشعر الاصلي قام يفقد شبابه=مريض وعلاج المرض شئ مجهول
وين الاصاله والقيّم والربابه=الكل صاير في هوى الزين معلول
والوضع هذا جاهلٍ من رضابه=معقول يحصل كيف وشلون معقول؟
مهازلٍ تنشر بلــيا رقــابه=مافيه لاناقد ولافيه مـسـؤول
واشعار تال الوقت صارت تشابه=وجه القصيده صايرٍ كنه الغول
والبعض يخضع بالشعر لاحكابه=يرجي حبيبه حالته شبه مشلول
خايف يخونه ويتضاعف عذابه=وخايف يدق ويطلع الخط مشغول
وياكم من شاعر عزيزٍ جنابه=حرٍ ينموس بالشعر مير مقتول
طافي عليه الضو محدٍ درابه=مبدع ولايبغى مزامير وطبول
باب التحيّز ليش مفتوح بابه=شاعر يغوص وشاعرٍ يملك اسطول
ناسٍ تبي كل يصفّي حسابه=وليا نظرت افكارها(عصف مأكول)
صار الشعر منها جريح المهابه=ماعاد هو بالمجتمع ذات مفعول
جميع مستشعر يمثّل عصابه=يصبح علم لو هو(مهّرج وبهلول)
وجميع شاعر مستقل بخطابه=قصايده تحظى بتقدير مقبول
تدار ساحتنا بقانون غابه=واصبح بها طلاب الانصاف معزول
اعلامنا (سداح) صاير حرابه=افزع لنا ياطيّب الفعل والقول
ارسل لنا من جود رايك سحابه=والراي في حرية النشر مكفول
..
..
[/poem]

الله الله


صح لسانك يا بو ذيب وسلمت .. واشكرك على التوجيه اللي يسعدني

واسمح بهذا الرد المتواضع :-



[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
سمـّا العمودي يوم قافه بدا به=والبسمله يفتح بها كل مقفول

شاعر وله نخوه وعزوه ولابه=يآقف على العظمين ويصول ويجول

لو يآخذ من الذيب ضرسه ونابه=يكفيه .. لو ما يآخذ العرض والطول

يشكي ومن شكواه همّه سرابه=وذرّت عليه الشمس والهمّ مدبول

أي والله أنّ الشـّعر ضاع الرجاء به=أصبح ولاة أمره مجانين وخبول

عرّوه من ستره وطشّوا ثيابه=وللتـّعريه عامل وللسـّتر مدلول

ودّاه أبو ركبه .. وأبو ساق جابه=يوم أمتلا المضمار بجيوش وخيول

وأبو شنب محسون يوم ألتوابه=ركبّ شنب بالكذب والزيف مفتول

يعدّ نفسه شاعر ٍ يقتدا به=منفوخ خشمه مثل خشم الضرنبول !

وأن شمّ ريح السمن دبّ البلا به=وعوّد يذرّ الملح بعيونه الحول

لا واعذاب الشعّر ممـّا سطا به=ضالوا عليه وعاد .. من يفرق الضول

كل ٍ على كيفه سعى في خرابه=مدمّرينه مثل تدمير كابول

والعولمه شنّت عليه الحرابه=وأضفت عليه سلوم وطبوع ودلول

معلّقينه في جناح الذبابه=ولا تطير إلاّ من الحول للحول

يا الله عساها دعوة ٍ مستجابه=لا قلت جعله بين غاوي ومبدول

المصلحه زادت عليه الكآبه=وأم العبر ما تغمز إلاّ لبو الهول !

لا تشتقي به للهبوب إنقلابه=يبا يطير الجول .. ويوّقع الجول

خلـّك على منهاج ذيب الذيابه=دام العلم مرفوع والسّـيف مسلول[/poem]


وسلمتوا ،