لا جيت اهدّيك رحـت تثيـر وسواسـي
وكل ما أيسّر لك أمـرْ تزيـد تعسيـره
بالغصب ماهوب طيب استسلم احساسي
دام الفكر شاف فيك اطـول مشاويـره
تاريخك أسود معاي وشوف قرطاسـي
واقرأ مرارة حياة مْن انت لـه سيـره
ضدّ الأمل دايمـاً تنحـاز مـع ياسـي
و ويّا الألـم داخلـي وتحـبّ تعميـره
أوّل ما احسّ انّك بتطلع مـع انفاسـي
توقف وترجع لصدري لأجـل تدميـره
ليه انت طبعك كذا تعشق وجع راسـي
والخاطـر المنطـرب يغريـك تكديـره
بحر المآسي به ألمح مركبـي راسـي
وبـرّ الأمـان اكتشفتـك دافـنٍ بيـره
يا كثر تذكيـرك ومانيـب لـك ناسـي
ويا قلّ تقديـرك ويـا كثـر تقصيـره
الحزن هو غابتك والصبر هـو فاسـي
والفاس كـل مالـه ويـزداد تكسيـره
اخوي ثاني
الحقيقه كل نصوصك رائعه فيها نفس شاعري واحساس جميل اتمنى لك التوفيق
صح لسانك
كل الود
|