[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يقول اكتب قصيده في تواصيفي وانا مدري = وش اكتب ! والقصيده لو تسوق الروح تحت امره
لأن المشكله مافي حروف تمرّ في صدري = وتقدر تنقل احساس الغلا والشوق والعبره
كلامٍ ما يجيبه حرف لاكردي ولا عبري = وصوته ما وصل حبل الحناجر وانكسر نبره
وانا لو قلت له يقرا شعوري كله بشعري = كأني قلت له عان الجمل يدخل مع الإبره
ياعيني يادوى قلبي ياروحي يابعد عمري = لك الله مابطى سيل المشاعر غير من كبره
وانا ادري وانت تدري والعرب تدري ولا تدري = بأن الشوق شريان الغلا وان الغلا فطره
جعل من لامني فيك يتطاير خافقه بدري = ولا يبقى ليا هب الهوى من خافقه وذره
عشان يعرف وش قصة غرام العش للقمري = ليا رفرف جناحينه ورى بغداد والبصره
حبيبي ياثمر تاريخي الميلادي الهجري = ياقطره مالها غيري بحر يابحر في قطره
عشقتك كثر مايعشق مصر من قلبه المصري = كثر ماياخذ العاقل من ايام العمر عبره
كثر همي كثر عزمي كثر حلمي كثر صبري = كثر مايبكي المومن بربه لا ذكر قبره
ولو تدري عن القلب المولّع كل ماتطري = كأنه طار في كفّين صوفي يعشق الحضره
وصار بكل فخر يبث لك نبض الوفا حصري = ويمكن لا تطوّر يمكن يزورك بعد فتره
ولا الومه لأن اللي يشوفك ماجحد عذري = جمالك يرخص بعين الفراشه قيمة الزهره
كلامك سدر واحساسك بخور و جوهرك فطري= ودمك مسك ولسانك سحاب وخافقك جمره
وعينك سحر وعروقك سلام وخاصرك عفري = وروحك نور وافكارك جبال وشفتك خمره
وزفيرك شيح وايدينك نخيل ومنطقك عذري=وجلدك ريش وعظامك قطن ومغازلك نظره
عرفت اشلون وصفك شي مايوصف وانا مدري = كأني ماخذيت من البحر كله سوى قطره[/poem]
فيصل السواط
مبدع شعر لله درك
صح لسانك .
|