مساكم الله بالخير جميع



كل عام وانتم بخير



متواضعه واتمنى ان تنال على ربع الرضا




[poem=font="Arabic Transparent,4,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
تسيّرنا .. مقادير الليالي = بحكم الله والي كل والي
عظيم الشأن غفّار الذنوبي = كريم المدّ يا رب الجلالي
تسيّرنا .. ولا نعرف جهتها = على المعبود صبري واحتمالي
يدور الوقت وتطيح العزايم = على كف الزمن .. وتموت أمالي
نعد أيامنا .. والعمر تقصر !! = سنينه لو نظن أنها طوالي
أفكر في زماني واتفكر = حظيظ اللي من الأشواق خالي
وأنا لا منّ ثلث الليل طرّف = طرالي من هجوسي ما طرالي
أغني من بيوت الشعر وطرق = معانيها على بدع وجزالي
أجيب أثمانها وترك هزلها = وتشهد لي عيون اللي قرى لي
ولو ما في خفوقي من محبه = لـ سيد الغيد وعيون الغزالي
تركته .. ما حفظته في ضميري = وما قلته وتأثيره فـ حالي
ولكن احتواني في غرامه = كريم الأصل من عمّ وخوالي
برغم أني من مطير وبرازي = هل الوقفات كرّمين السبالي
ودمّي من فضل ربي يشافي = غليثٍ من غلاثٍ فيه طالي
من الفرقا .. غليث القلب قلبي = وطبي شرب من صاف الزلالي
يفوح الصدر من فرقاه كنّه = على جمر الغضى يصليه صالي
(( حبيبي ولا ذكرت أنه حبيبي = دريت أني حظيظ وزان بالي ))
على رغم البعاد اللي حداني = قريب وقرّبه أقرب من ظلالي
يجيبه شوق قلبي قدم عيني = من الاشواق لا غنّت بدالي
عليه الله وأكبر لا تهيّا = غصين الموز يا ترف الدلالي
أغض العين لا من شفت وجهه = جماله ما خلق مثله جمالي
أخاف يجيه حسدٍ من عيوني = وهو تاج الفؤاد وراس مالي
يوصيني وأنا مجوّد وصاته = وصات العود لصغار العيالي
يقول الحب يا مال الغنيمة = وقول البيت ممسوس الحبالي
يقول البعد نسّاي الجميلة = وقول الطيب من سلم الرجالي
يقول الآدمي لا غاب ينٌسى = وقول الشوق في عيني وسالي
يقول الوقت وده وأنت ودك = وقول الله مجيبٍ للسؤالي
يقول أعتب على كثر إنشغالك = وقول أعتاب من غالي لـ غالي
هروجه .. من غنجها .. من حلاها = مثل فنجال من صفر الدلالي
أحبه .. لو وصلني في محلي = وحبه لو قطع حبل الوصالي
سكن في مهجتي وجتاح قلبي = ووليته ولو ما هوب والي
ولكن للقدر حكمه وهيبة = قدم عيني ولكن ما يطالي
عسا ربي يزيد الصبر قوه = ويلهم خافقي .. ويزين بالي
ويجمعنا على عز ومعزه = ولو ما هو من حظوظي وفالي[/poem]



أخوكم : مشاري البرازي