[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
واقعي صعب لكن لازم آعيشه = عن صروف الدهر مافيه تجنيبه
كلما أجمع لهذا العمر تحويشه = بعثرتها عـروق الوجه والطيبه
الهوى هب شرق وطيّر الريشه = وأكلت المخطية خمس إمية مْصيبه
طارشٍ ماتجمّل في مطاريشه = ودك إن غيبته كانت هي الغيبه
بو عكاريش ما تقدر عكاريشه = تمنع الذيب لايمسي مع الذيبه
ما نفع في بليد الفصل تغشيشه = دايم المركز الآخيـر ترتيبه
بطـّل التتن لكن طاح في الشيشه = المجيـّم مجيـّم وش نسوي به
أن شبك سلكها والاّ فصل فيشه = روّحي يامصيبه غيرك مصيبه
هكذا الوقت تنقشنا مناقيشه = يالله استر ليا أفترت دواليبه
ياغنى النفس سلّم لي على الخيشه = قل لها الغبن وصلتنا مناديبه
جيشه أقبل ولا أدري كم عدد جيشه = الوكاد إنـْهم إكــّيله وشـرّيبه
وسد بيشه يهمّك يا نخل بيشه = وأن نشف ماه حلت فوقك مصيبه
ضيف الأيام هذي مايبي العيشه = مايهمّه سوى فزة معازيبه
القطامي ليا منـّه فقد ريشه = راح منقاره ينقــّر مخاليبه
كل طايش ولو هو معجبه طيشه = تالي الطيش ينفض جنبه وجيبه
لعبة الضومنه من دون تكويشه = من يكوّش بها يستاهل الخيبه
آخر اللعب شيش ومن قفل شيشه = يذكر الله ولا تكثر مطاليبه
قبل ما أعطي بعض الأصحاب تطنيشه = لازم آقـدّر القرم وتجاريبه
ولو يطول الكلام يزيد تشويشه = زبدة الهرج قبل الشك والريبه
من هرب وأنفلت من شرطة عليشه = مركز أمن الطرق لابدّه يجيبه ! [/poem]

من الذكـاء متابعة طاش ما طاش
........ وأكبر غباء إنـك تتابع خـواطـر !