ماجد المقاطي

عنوان الأبيات : الحـُب غلطه .!!

تاريخ ميـلادها : 2008 / 01 / 23

مكان ميـلادها : الخـُبر


*


عدَى شهر .. ياقاطع ٍ عني الصوت
______ والحين جاي تقول لي : كيف حالك ؟!


أبشرًك .. حطيت حبك بـ / تابوت
______ يعني .. مايـنفع يــا غـلاي إتصـالك


دامك تعمـُر بـ .. الهجر بيننا بيوت
______ مشكور .. مايـَـلزم عنـاك و سؤالك


قطع الوصل في سـَـلم الأحباب ممقوت
______ دربه يؤدي لـ / التعب .. والمهالك


ولا تحسب إني عقب فرقاك بـ / آموت
______ ريَــح مــلايكتك .. ويرتـــاح بالــك


الحب غلطه .. في مدى العمر وتفوت
______ و أبتركك .. مع المواجع لـحالـك


هاك الكلام اللي على البال منحـوت
______ لالا تعنـًى لـ / واحد ٍ ما عنا لك


ماعاد تفرق .. لو معي تقطع الصوت
______ مانيب لا عمـًك ولا نيب خــالك

m.7@vip.cn