[poem=font="Simplified Arabic,4,crimson,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
عليك حقّـي كـان .. طـوّل تغليّـك=وعليّ حقّـك كـان .. منتـه بغالـي
لا تختبرني تحسب أنـيّ مـا أراعيـك=وأنـا نمـوذج للحبـيـب المثـالـي
مبرمـج ٍ قلبـي يحـبّـك تماتـيـك=حاسب طبيعي ماهـو بحاسـب آلـي
لا ضخّ دمّـه بيـن ذكـرك وطاريـك=لا عاد تنشـد عقبهـا كيـف حالـي
أروح فـي دوامـة ٍ مـن تجافـيـك=وأستحضر اللي حافظـه فـي خيالـي
صوتك .. وضحكاتك .. وقسوة تعاليك=همسك .. وحدّة لهجتـك .. وإنفعالـي
عينك .. ودمعك .. يوم تزعل وأراضيك=صمتك .. وتفكيـرك بسـود الليالـي
غيرتك .. لوّ مافيـه حـي ٍ يحاليـك=حيرتك .. ما بيـن الجفـا والوصالـي
كـم كلمـة ٍ خبيّتهـا عـن محاكيـك=وكم كلمة ٍ في خاطـرك قلتهـا لـي
إليـا تركتـك قلـت بانـت مواريـك=وإليا سألتك مـا تجـاوب سؤالـي !
أقول وش فيّه .. ولا قلـت وش فيـك=ياما وياما .. مـن غرامـك جرالـي
اشياء كثيـره تثبـت انـي مهاويـك=أزريـت أحـلّ معـقّـدات الحبـالـي
تغيب مـا علّمتنـي ويـن أراضيـك=والهجر حاظر .. والغيـاب إرتجالـي
الشـوق يدفعنـي لحضـرة معاليـك=يا اللي غرامـك زاد فـوق احتمالـي
خـف ربـك بقلـب ٍ يحبّـك ويغليـك=ماهو حرام الحبّ يـا بـن الحلالـي ![/poem]
لدكتور سداح
الله يشفي اخوه ويقومه بالسلامه
|