لانني لن استطيع الاستمرار
خلاص يانزف الجروح وعـزف ليـل الامنيـات
مليت اجامل واعتذر عـن باقـي دروب المسيـر
ولانني لا أرى مايستحق الاستمرار
روّح زمان الحـب والوجـد وسنيـن التضحيـات
واخـر رجـاي ان الليالـي تستخيـر وتستديـر
ولانني لم اجد الاّ التعب
مااشوف في كل الجهات الا تعـب كـل الجهـات
ضامي واحسب ان السراب اللي تنصّيتـه غديـر
ولانني ارى (ان المعادلة صعبة وحلّها مستحيل)
كل ماجمعت شتات عمري صرت اشوف انه شتات
يعنـي كـذا والاّ كـذا والاّ كـذا نفـس المصيـر
ولانني وجدت الحقيقة
عرفت وش هي كذبة الحب وغنج ضحك البنـات
وان المحبـة لاشـعـور ولاحـيـاة ولاضمـيـر
ولأن المنطق يقول:
وان الحيـاة ايـام معـدودة ويقفاهـا المـمـات
وان الحساب اعسر على بعض النفوس من العسير
عرفـت وش هـي لـذّة الدنيـا بتكبيـرة صـلاة
وكيف اتوسّـل بالدعـا واقـول ياربـي يصيـر
عرفت معنـى قيمـة السمعـة وميـزان الـرواة
وانّي قبل عين الصديـق بعيـن عدوانـي كبيـر
عرفت كيـف اخلـّي احـلام السنيـن المدبـرات
تقبل عليّه واحتضن حظّـي واقـول انّـي بخيـر
عرفت وشهـو كنـز الايـام ورصيـد المقبـلات
يوم الغني من حيرتـه لـدّ وطلـب راي الفقيـر
وان المتاعب فـاول دروبـك تسـوّي معجـزات
وان كان قدّمت الكسل وضع اخـر ايامـك خطيـر
النـاس فالدنيـا مراتبهـا سـجـلّ ومنـجـزات
ماهيب قصـة ذاك اميـر وذاك اجيـر وذا وزيـر
تحياتي لكل من شرّف هذه الـ(شعرولوجيا)
|