|
الغترة تساوت مع الشيله ..
[align=center]السلام عليكم ورحمة الله وبركاته
وجهة نظر أتمنى قبولها
ويشرفني مروركم الكريم [/align]
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black"]
تعبنا من الدنيا يادنيا من أنتي له=نحث القدم والحال من حال الاسلافي
عجز يقنع أبنادم ويرضى محاصيله=يجيه الوعد ما قال يادنيتي كافي
أنا يوم جربت الزمان وبهاذيله=طلعت بنتيجه تخذل الطيب الوافي
أذا مانته منافق وتمشي على الحيله=لعب بك خبيث الطبع مع كل محرافي
وأذا مانته موافق على الشك والميله=يقولون متشدد وراسم له أهدافي
زمان ٍ يحدك لين تدخل مداخيله=وتاطا على شوكه لو أن القدم حافي
رفيقك يسوي له مع الخط تحويله=وأذا حقق أهدافه عكس خطه أخلافي
في وقت الرخا يضحك وتبرق مخاييله=وعند الخطر تاتي مواقيفه أعجافي
على غايته يشعب بعارينه وخيله=ماهمه ياكود الزاد والمرقد الدافي
أقوله وشكل الراس مايشبه لذيله=لكن الذيول أكثر من الروس ياكافي
زبون النقا لازال تعرف مداهيله=لو أنه من النكبات مهزوع الاكتافي
يجازف ومن طيبه يقولون يا حليله=بذل طيبته في غابة ٍ نورها طافي
مشى له على جسر ٍ تحلحل صواميله=وتحته بحر والدرب مافيه ميقافي
تغير مناخ الوقت وأخلف مشاكيله=وزع الوفا لأهل الوفا شاله السافي
زمان ٍ يجي برقه عقب مايجي سيله=يبل الثرى بغته وجو السما صافي
أقوله وأنا متضايق ٍ من تفاصيله=وصبر الفتى ضايع ورى شي ينعافي
أجل كيف والغتره تساوت مع الشيله=ياوقت الردى كافي ياوقت الردى كافي[/poem]
[align=center]أخوكم / خالد عزيز الديحاني[/align]
...
ديـــواني
مجرد أنك تبتسم وأنا حزين=قطرة ندى طاحت على جمرة غظاه
ومجرد أنك ترتمي بين اليدين=جسم ٍ توفى وأرجعت فيه الحياه
al_dehani8@hotmail.com
|