[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]ما قلت لك يا ناعم العود لا تغيب = شفني وذقت الموت يومك تغيّبت
تركتني بين الجروح المعاطيب = وسهرت عيني فالليال وتعذبت
عزمي وصبري في خفوقي مغاليب = وأنته على همك وشوقك تغلبت
واشيب عيني يالغضي آه واشيب = (توّي شباب وبأول العمر شيّبت)
ما غير أعدي في طوال المراقيب = وبيني وبين النفس لمت وتعاتبت
من ضيقتي ضلوع صدري معازيب = للهم والغم ورداته وللكبت
تاخذني ظنون وهواجيس وتجيب = وسج رجلي عنك واقول جنبت
ويردني لك صوت بين المحاديب = "يا صاحبي معقول عن حبنا تبت"
لو كنت أسمع من يقص العراقيب = ما جيت اشره عالغياب وتحاسبت
لكن انا نسل الرجال الاشانيب = اللي لهم فالطيّبه زرعٍ ونبت
حمر النواظر والسيوف اللواهيب = هي عزوتي لا حك عود وتعصبت
مسمع كلام امنوقلين الاكاذيب = اللي ليا منّك سمعته .. تعيّبت
وإن قلت كل هذا مجامل ومن طيب = ذاتك .. تجاملني على غير ما جبت !!
ما قلت غير أعدل يا راع المواجيب = شفني غدى شرّي ومن جيّتك طبت
لا يشطّ فكرك .. والليالي دواليب = من غبت .. ما شفت المسرات .. من غبت
اشقيت قلبي بك يا سيد الرعابيب = هذا وهي غيبتك من سبت لا سبت
لك حلّ بين اثنين وختار ما يطيب = وبايحك لو في موت قلبي تسببت ؟؟
أما تجي قدمي على طول ما تغيب!! = ولا تغيّبني معك لا تغيّبت!![/POEM]