مبطي من المواهب قلت اشارك

طاااااازه :

.
.



[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
اليوم جوّي غريـب وحالتـي حالـه=ماعاد به شي صرت اشفق على فعله
(زعله تمر وسـلام) وجـرّ موّالـه=لكن هاللي جرا ماعاد هو (زعلـه)
والآدمي لاغزاه الضيـق فـي بالـه=ماعاد يلقـى ولاحاجـه بتنفـع لـه
ياامـا يقلّـب بمسـوّدات جـوّالـه=والا يدوّر (شريط احزان) يسمـع لـه
والمشكله كلهـا ماتصلـح احواله=هذا نثر سطل قـاز وذاك ولّـع لـه
ياصغيّر السن ياللي يكبر هباله=لاحسّنا كل ماننساه نرجع له
ماكني الا الابو وانت اوحد عياله=قضيت عمري وانا اصونه واجمّع له
ويوم اني احتجت له واحتجت لوصاله=تقلّع ولاعد ادري من تقلّع له
ان صدّ مانيب راغب شرّ يجراله=وان عاد لرضاي ..عطف الاب يشفع له
ياغايب اليوم.. يوم وحالتي حاله=تعال شوفك مطر ومفارقك شعله
يوم ٍ يودّيك فال الله ولافاله=ويوم ٍ يجيبك لنا ياعلّه ..وجعله[/poem]





ملاحظه:
طبعا (زعله) ارى انها لغوياً ليست صحيحه ولالها معنى لكنها اقتباس من كلمات اغنيه