يا صاحبي .. ياللي لك القلب مدهـال
في داخلـي ضيـم وهمـومٍ طليقـه
لا تنشد الخاطر !! ولا تنشد الحال !!
مـا ودي أنهـا تنكشـف للخليـقـة
لو كل ما فالبـال للنـاس ينقـال !؟
ما شفتني صديت من كـل ضيقـه !!
طاريك .. نادا الشوق بقفاي وقبـال
وتراجـد بوسـط الضلـوع الدقيقـه
ليته كثر ما حطّ في خافقـي شـال !!
على الأقل ما شلت شيٍ ما أطيقـه !!
صابر ولو قلبي رعـى فيـه غربـال
ما كني أسمع في ضلوعـي شهيقـه
إن رحت في دربك وليل الجفا طال !!
القلب وافي ... والمشاعـر رقيقـه
وإن جيت ودم فرقاك من بيننا سال !!
الشوق وافـر ... والعلاقـة عريقـة
فالقلب لـك حشمـه وقـدرٍ ومنـزال
مير بغرامك جفّ .. ما بلّ ريقـه !!
شف أنت مبعد .. مير عندي وتختال
وأقرب كثير من الشقيـق ألشقيقـه
من غبت ضاقت بي من الجال للجـال
وطاح الجمل والحمـل عيّـا يطيقـه
وش عاد لو شفت أزرق الدمع همّال
دامه سفير الحزن وأسهل طريقـه !!
ما نزّل الدمعـة علـى خـد رجـال
غير الجروح المبطيـه والعميقـة !!
المبدع/مشاري البرازي..
ياهلا وغلا بالابداع وراعيه
دره دره دره يامشاري وابداع تشكر عليه الحقيقه
صح لسااااانك يامشاري وسجل اعجابي ومتابعتي يالغالي