منتديات المرقاب الأدبية - عرض مشاركة واحدة

25-02-2008, 05:24 AM

أظــن ! .. مايحتاج اوصيك .. يالذيب @ مدام من قبلي .. موصيك ( شالح )

عيبي !! .. ادور شخص ( خالي ) من العيب @ واضيق وأتذمر من الوقت وآآلح

ياللي تفاخر ؟ في جميع الأساليب @ الفخر !! .. عمره مايرد المشالح

لاتمدح الرجال من غير .. تجريب @ ولاتذم الرجل لاقده .. صالح

خل العرب في حالها .. واقطع الريب @ لاتقول : ذا صالح ولا ذاك طالح

بالحكي فالح .. ياكثير العذاريب @ ولا ( لاجات الصادقه ) .. منت فالح

يدعيني الطـيـٌـب .. زبون المواجيب @ واقول له : مصيرنا بنتمالح

على كثر ؟ ماكان لي ربع ؟ ياذيب @ راحـــــوا .. ومن فيهم بقى ! .. له مصالح

حفظت ( درس من الزمن ) ( بالصدر غيب ) @ يرضي قلوب ٍ .. ماتفكر تصالح

اللي يدوٌر خـل ,, ماله عذاريب ؟ @ كنه يدوٌر بحر ,, ماهـو بمـالـح