السلام عليكم و رحمة الله و بركاته ..
من غير مقدمات .. تقبلوها و اعذروا قصورها





[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=sp num="0,black"]
الهموم اللي تزاحم .. مع حل المغيب = تنحر الصدر المعنّا .. بدون مقدمه
كنّها طابور جيش ٍ .. يدكّ و هو غضيب = دكّة جيوش الخليفه .. لدار مسيلمه
في دياري .. بين ربعي .. و أحس إني غريب =الحظوظ مولّيه .. و الدروب معتّمه
كل ما سجيت رجلي مع درب عشيب = أعترضني حظي الأقشر .. يرز علمه
لا متى و الحال يا هادم الفرحة .. صعيب = كل ما جيت أبني السعد .. شفتك تهدمه
غير سقها .. و انتهض يا قصيدي لا تخيب= و الله إني خابرك .. كل هم تدحمه
الهقاوي مبعده .. و الهدف يبغى طليب = و الرموز المبهمه .. نبحث لها ترجمه
ما بقى إلا أسند القاف .. للشيخ الأديب = شاعر ٍ في دولة الشعر .. قاضي محكمه
شيخ رغْم أنف البعيد .. و رغُم أنف القريب = شيخة ٍ بالعرف .. ما هي بشيخة الأوسمه
يا مبارك .. و الإشاره مناديب اللبيب = و اللبيب يحلل بها .. الرموز المبهمه
فوق ضلع طويق ذيب ٍ .. مهيب ٍ .. له قنيب = يلحق الشاوي خطر فرسه .. و فرس غنمه
له مخاليب ٍ حديده .. و له ناب ٍ ينيب = و له حماً من دونه أرواح الأعداء .. معدمه
لو تحدّه شهب الأيام .. و رداة النصيب = ما ترده عن مناويه .. جرْع العلقمه
لكن الدنيا عجيبه .. و من فيها عجيب = تخْلف الهقوة .. و عظم المداحم .. تهشمه
كل من قلّد قنيب الذيابه .. صار ذيب = لوِّ ما سطر من فعول نابه .. ملحمه
داهن المستذيب الشاوي .. و عدّه صحيب = و مات مبدأ الذيب .. يا جعل ربي يرحمه
ليت لجروح المبادئ و جارحها طبيب = كان ما خطِّت ومسحت .. بخط المرسمه
و الدعاوي كلها .. بين ودّ و بين جيب = الأمور مرتّبه .. و الأجور مقسّمه
يا مبارك .. و الإشاره مناديب اللبيب = الرموز المبهمه .. دور لها ترجمه[/poem]
:
:

و سلمتوا

لحظـــــــة





M-aalabdan@hotmail.com