|
عبدالصبور ..!
[align=center]السلام عليكم ورحمة الله وبركاته[/align]
[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
عبدالشكور أمس صار .. اليوم عبدالصبور=وإن طوّلت ضيّع الثنتين .. شكر وصبر
دام الفشق فالمحازم .. والبنادق تثور=واللي يودي الخبر .. عيّا يجيب الخبر
لاصارها من دبور .. وعوّدت في دبور=ياهيه .. موّل وجرّ الصوت ( يااسمر عبر )
لاجيت اشيل البراقع عن وجيه الامور=وعاينت لين الشبر في الشبر .. يطلع شبر
فأحسن نخلي الجنايز في قبور الصدور=لاصار مافيه لاعبره ولامعتبر
للجهل ياصاحبي ظلمه .. وللعلم نور=ومدارس الوقت تعطينا دروس وعبر
من بين جبر الشعور .. وبين كسر الشعور=كلمة تجبر كسر .. ولا تكسر جبر
وإن العوّر كل خلق الله بعينيه عور=والكمّل أنصاف في عينه ولاتنجبر
ولا يردع اللي يبي الترفه .. غلاء المهور=ومن دونها طويق .. يصبح كبر راس الوبر
وأحيان تضطر تسـّتثور ولو منت ثور=وتنزل الهامة شويه عشان تعبر
والشخص وقت الشدايد واختلاف الدهور=أما كبير صغر .. والا صغير كبر
ومابين ضحك السنون .. وبين دهن السيور=امنتف الحال .. يصبح من ملوك الوبر
في وقتنا اللي غدا يشبه للج البحور=يطفو عليه الخشب .. ويغوص فيه التبر
وياصاحبي والامور إليا اقتفتها الامور=الله يرزقني الثنتين .. شكر وصبر[/poem]
,
انا ليا جيت لأهل الطيب رجالي=ماهيب تنقص خطايه عن خطاويها
ولا جيت لي مع مهبل جاني هبالي=شفت المهبل تلاحيني والاحيها
ولا جيت لأهل الشعر غنيت موالي=اصبحت ابن عونها و الا عطاويها
ولاجيت لأهل التجارة و اهل الأموالي=اصبحت بلبيدها او طاشكنديها
|