الوقت يسرق رسوم الزين من خلـي
ويمنى الحرامي بحكم الشرع مبتوره
يسرق ويغزي على كيفـه ويحتلـي
ياقاضي المحكمه ماتطلب حضـوره ؟
رد بزعل قال اظنـك شاعـر مولـي
الوقت محصن ولا لك شغل في نـوره
والمشكله مانقص من زينهـا ملـي
لليوم فتنـه وجذابـه ومغـروره !!
في وصفها ويش ابا اعدد وابا اخلي
الشعر ليلٍ غـدر ماطـارت طيـوره
وجبينها لي سنا وارموشهـا ظلـي
وعيونها من صفاها تعكس الصـوره
والجمر ضم البَرد واللي تبيـن لـي
وحده من الجمرتين تعيش مقهوره !!
والصدر بستـان للريحـان والفلـي
قولوا لـقـزاز مانحتـاج لعطـوره
حتى العنب صايف وجايد ومـدّ لـي
والساقي اللي جمع خـوخ وبنـادوره
والردف من عايلة اسعد عمـر قلـي
والخصر مثل البخيل اللي حفظ سوره
صعبة منال وحياتي تحتـرق واللـي
خلقنـي احبهـا والنفـس معـذوره
اجي من اقصاي كلي واعترف كلـي
اصبح خفوقي لحزن الوقـت سبـوره
خلوني اسكت سكوتي يمكن احسن لي
اوصافها تخرج الرجال عـن طـوره
يبو خليل الوضع ماعاد هـو باللـي
وانته يماني تشجع مصر فالكـوره !!
لكن سو الحجر تكفـى ومـد اللـي
وحط اغنية (واسرح ادور على نوره)
هذا الكلام الي يصحي من النوم ياغلاب
ابداع وتمكن وحرفنه شعريه من الطراز النادر
تقبل مروري وتحياتي واعجابي
|