مابيـن لحظـة وداع ./ وبيـن لهفـة لقـى
ومابين زفرة شهيق ./ وبين وقفـة أمـل .!
حارت جموع الكلام العـذب .. واللـي بقـى
دمع ٍ تزبـر علـى خـد الزمـن وانهمـل .!
أحـاول اكـذّب الموضـوع ./ واللـي رقـى
عرش الخفوق ./ وتمكن فيه ./ ساق الزمل .!
يعني كذا ./ سقتها من خاطري فـي شقـى .!
كذيّا ./ راح الجمل ياصـاح باللـي حمـل .!
ياشين حظ الوفـاء ./ لاصـار مابـه نقـى
لو كان تعطيه./ ( شي ٍ) كثر حـب الرمـل .!
هو ليه لامن بغيت أغليـه قـال ./أصدقـا .!
هو ليه لامن ذكرت ./ الحب ./ قال العمـل .!
ضيّعت فيك الهقـاوي ./ يـوم قلبـي هقـى
وقلت الحمل ./ مايشيله كود ظهر الجمـل .!
الله الله يافراج القرقاح
عز الله طيب عود وسبايك ذهب وتركيز شعري غير طبيعي
بيض الله وجهك وصح لسانك
|