|
موت الضمير ..
[poem=font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
القلوب اليا هوت .؟ ما يفيدنّ العقول=علّم المجنون فالحب .. يالعقل الكبير
كان مات احساس الانسان .. تحييه الفعول=المصيبه فالبنآدم .! ليا مات الضمير
إيه يا زولٍ بقلبي مهوب أيّات زول=الشعور اللّي كبر .. ليه رجّعته صغير
مانسيتك .! بس ما عاد لك عندي قبول=الخيانه جرحها موت .. وعلاجه عسير
صاح عزّ النفس والقلب غاشيه الخمول = حان وقتك يالكرامه .. وتغيير المسير
لا تضيق امن المشاعر لو الغيبه تطول= كنت الأوّل في حياتي .. ورديت الاخير
ما بقى وردة غلا .. ما تساهلها الذبول= ولا بقى لك من طيور اللقا والشوق .! طير
لا تقول انّ الخطايا تعوّضها الحلول .! = قمت من حلم المحبّه .. وصافحت المصير
عقب حطّمت امنياتي معك حسب الاصول = ما بقى للشوق قيمه ولا فاالحب خير
قال سامح .. لجل حبّي وحبّك قلت .. اقول = المحبّه غير واللّي تسوّيه انت .. غير
زبدة الموضوع مالي على الماضي ميول = ليه اضيّق خاطري منك والدنيا بخير [/poem]
[align=center]وسلمتو[/align]
من عمر الاعوام ما غيّرتك طبوعي .! = قد شفت لك برق ما له فالسما لمعه
سوّيت يوم الضلوع لقلبك ضلوعي = وجمعت لك شيّ ما تقدر على جمعه
من كثر ما اسرفت في وصلك من دموعي = في يوم فرقاك .! ما طاحت ولا دمعه
|