[poem=font="Traditional Arabic,6,purple,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
على مسافة جرح من بحر ذكراك=جلست اقلّب حيرتي في يديني!
أحيان ابي قربك وشوفك ولاماك=واحيان أنا حتى أنا ما أبيني!
أحيان تآخذ من سنيني هداياك=وأحيان تدفع للهدايا سنيني!
تعبت ادوّر شوفتك وأتحراك=وأنا أجي وأروح ما تحتريني!
مدري ضنينك ولاّ آخر ضحاياك=بس الأكيد اليوم ما أنت بـ ضنيني!
صادرت نومي وأمنياتي بـ جفواك=ما نيب سامح لك تصادر حنيني!
هذا قراري ، ما بقى شي يهواك=ما عاد فيها ما تبيني / تبيني!
لا أدورّك ولا أنتظر يوم لقياك=ولا اتعب احساسي فـ رجوى تجيني!
وإن قلت لي عيني بتبكي لـ فرقاك=بأقول لك عيّت على الدمع عيني!! [/poem]