قهر يزيد

حومــــة فكر

دايم السيف

خالد الفيصل







ستل جناحه ثم حام
يرقى على متن الهوا
يزفه بعيد وانا محدود في حـد النظـر

له بالهوا شف ومرام
يلعب مع الغيمه سوا
ولاجناح لي واطير والارض صارت لي مقر

طيري ضرب جو الهيام
ولو دعيته ماالتوى
عزي لمن طيره غدا ولا له من أمـره مفـر

فكري تغشاه العسام
امسيت وفكري ماضوى
الارض قفر من الونس والليـل من فرحي قفر

شبيت ضوي بالظلام
في صحصح ذيبه عوى
مالي انيس الا النجوم او نور وضاح القمر

خالي وكني في زحام
قلبي تلهب وانشوى
ماعاد اميز بالحشا والا على الضـو الجمر

وين انت ياداعي سلام
وين انت يابايع دوا
ردو ا لي النومة ترى بالعين جلاد السهر

دورت بالشدة حزام
ولالقيت اللي قوى
يالله دخيلك مالقيت اللي نشد به الظهـر






بصوت الخالد الفيصل استماع


حفظ





.