كني لقيتك في متهات الزمن رغم الضياع
ورده ولكن ذابله تشكي من ايام الجفاف
ماكنت اصدق هالزمن يبخل عليكي فالمتاع
لكنني بالعين شفت اشلون بالوقت اختلاف
كنت اذكرك متغطرسه ماتقبلين الأنصياع
والدمع فعيونك كذا ماتقبلين انه يٌشاف
واليا طلبك ايات شخص بحق حٌسن الأستماع
سقتي عليه من الهبل مايجبر العاقل يخاف
يافاتنه ياام الجمال اوامرك كانت تُطاع
اوامرك كانت تنفذ من محيطك بأحتراف
وش صار بالدنيا اذاً من قام يعني بأنتزاع
حسن الضهور بهيئتك اللى على دمك يٌٌضاف
انا اعرف ان الوقت دايم ضربته ضربت شجاع
اما قتل ولا صرم قلبً مع ضلوعٍ نحاف
يافاتنه جاك المطر جاك الحيا جاك الشُعاع
عودي كما كنتي اذاً عودي ولكن بأعتراف
خلاص مالك عذر يعني انتهى وقت الصِراع
عيشي حياتك هاديه بدون حزن واكتلاف
مدام كل انسان عندك طاح من وجهه قناع
تعلمي يافتنه من مرحلة عمر الجفاف

ناصر الحربي..

في ذمتي انك مبدع ومحترف شعر

لله درك على هالابداع والامتاااع

شكرا لك وصح لسااانك